 |
| Shall thou be my doctor, I'll be a patient 24X7 |
म त आधामात्रै पो हुँ
अन्तै कतै छोडीआएको छु आफ्नो आधा स्वरुप
आधा हुनु भनेको अपुरो हुनु होइन
आधा हुँदैमा एक्लो, अधुरो भन्नु पनि हुँदैन
हँसियाजस्तै घुमेको आधा चन्द्रमा
पुरै गोलोभन्दा पनि राम्रो देखिन्छ
जसरी राम्रो देखिन्छ
अलिकति ओठ खुल्दा देखिने
उनको आधा मुस्कान
उनी पनि त आधा छिन्
म पनि त आधा छु
तर आधा-आधा नै भएर सही
फरक फरक गोलार्धमा रहेरै सही
हामीबीच यौटा पुल छ समानताको
उनी मलाई पूरा गर्छिन, म उनलाई पूरा गर्छु
उनी डाक्टरी पढ्दैछिन्,
म रोग जम्मा गरिरहेछु
